Rexhep Selimi tregon çka u pyet nga Gjykata Speciale

21:37 | 27 Nëntor 2019
L G

Deputeti i zgjedhur i Lëvizjes Vetëvendosje, Rexhep Selimi, ka thënë se në Gjykatën Speciale ishte i ftuar si i dyshuar.

Selimi, në RTV Dukagjini, ka thënë se ai është ftuar nga Specialja për një rast të vetëm,e i cili ka të bëjë me vitin 1998.

Ai ka thënë se konfirmon se nuk është pyetur për asnjë rast që kanë të bëjnë me vrasjet e pazbardhura të pasluftës.

Ish-anëtari i Shtabit të Përgjithshëm të UÇK-së ka thënë se edhe në rastet e mëhershme si “Bellanica” “Drenica 1 dhe 2” kur ishte ftuar nga autoritetet ndërkombëtare ai është pyetur vetëm për strukturën udhëheqëse të UÇK-së e jo diçka tjetër.

Selimi thotë se nga Gjykata Speciale është pyetur për tri ditë rresht, por ka thënë se detaje të tjera nuk guxon të jep për shkak të rregullave të Speciales.

Deputeti i zgjedhur i Lëvizjes Vetëvendosje thotë se pavarësisht qëndrimeve të së kaluarës ndaj Gjykatës Speciale, gjatë kësaj interviste thotë se janë sjellë në mënyrë shumë korrekte.

Shpërndaje në rrjete sociale

Lajmet më të lexuara

Të ngjashme

Foto lajm